Dortmundi ‘Park’on fitoren

​Ekipi shumë pak i njohur në futbollin europian, Krasnodar, për pak sa nuk e ka befasuar gjigantin gjerman, Borussia Dortmund.

Skuadra e trajnerit Thomas Tuchel siguroi fitoren në minutat e fundit të takimit falë golit të koreanit, Park Joo-Ho.

Krasnodar qysh nga minuta e 12’ ishte në epërsi me golin e Pavel Mamayev, kurse Matthias Ginter i Dortmundit e kishte barazuar rezultatin në 1-1 në minutën 45’.

Dortmund me këtë fitore kryeson në tabelën e grupit C, duke u renditur para skuadrës Qabala dhe PAOK-ut të Ergys Kaçes që nuk arritën ta mposhtin njëra tjetrën pasi barazuan pa gola.