ZYRTARE
Drita zyrtarizon Munishin trajner
19 October, 2016 @11:58
Skuadra e renditur në fund të tabelës së Superligës aktualisht, Drita, para pak çastesh përmes një postimi në Facebook ka bërë të ditur se edhe zyrtarisht, Ismet Munishi është trajner i ri i ekipit.
Munishi ka qenë i papunë në muajt e fundit prej se u nda nga Hajvalia, ndërsa Drita është duke e përjetuar njërin nga stinoret më të dobët, duke regjistruar 7 humbje me radhë.
TRAJNERI I TRETË PAS 9 XHIROVE
Pas largimit të Sadat Pajazitit me të cilin filloi stinorin 2016/17, Drita së fundi me marrëveshje të dyanshme ka larguar edhe boshnjakun Amir Alagic dhe tash prej xhiros së dhjetë të Superligës do të ketë Ismet Munishin trajner.
Munishi është shpallë nënkampion i Kosovës me Hajvalinë në stinorin e kaluar, ndërsa tre stinorë më parë ka bërë kampion për herë të parë në histori të klubit Kosovën e Vushtrrisë.
Munishi 42 vjeç, pritet të debutojë me ekipin e tij të ri në Superligë në ndeshjen e radhës që Drita e luan ndaj Drenicës si mysafire në “Bajram Aliu” të Skenderajt.
