KAMPIONI AKTUAL I KOSOVËS
Foto: KF Drita/fb
Drita zyrtarizon Shpëtim Duron
17 September, 2018 @16:34
Para pak çastesh, ashtu siç u kuptua në mëngjes, skuadra e Dritës ka zyrtarizuar trajnerin Shpëtim Duro.
Strategu shqiptar, që ka bërë karrierë në shumë ekipe të Shqipërisë dhe në Shkëndijë të Tetovës, ndërsa së fundi ka drejtuar Flamurtarin e Vlorës, 58 vjeçari Duro, tash e tutje do të menaxhojë me kampionin aktual të Kosovës, KF Drita.
“Shpëtim Duro është trajner i dëshmuar dhe shpresojmë që së bashku do t’i arrijmë objektivat që i kemi. Na priftë e mbara!” ka shkruar njoftimi i Dritës i botuar pak më parë.
Drita, përkundër se kampione, ka nisur shumë dobët stinorin e ri të Superligës, pas aventurës solide evropiane për një ekip kosovar, duke shënuar vetëm një fitore nga 5 ndeshje të zhvilluara.
