Dukagjini shfrytëzon krizën e Vëllaznimit, fiton thellë

Dukagjini i Klinës ka arritur të shënojë fitoren më të thellë të stinorit në Ligën e Parë A të Kosovës këtë stinor, duke e mposhtur Vëllaznimin me rezultat të pabesueshëm, 7-0 [Abu Kamara, Labinot Osmani x2, Visar Kutllovci x2, F. Gashi, Abedin Merlaku].

Kjo humbje e Vëllaznimit vjen vetëm dy ditë pas komunikatës së klubit për mbetjen pa investitorin kryesor dhe mbetjen borxh të pagave ndaj lojtarëve.

TABELA AKTUALE

Kuqezinjtë sot janë paraqitur me juniorë në këtë përballje dhe fitorja e Dukagjinit as që u vu në pyetje, e lojtarët në anën tjetër shfrytëzuan rastet për të shënuar sa më shumë, duke e përfunduar pjesën e parë me 4-0 dhe të dytën 3-0 për përfundimtaren me shtatë gola dallim.

Vëllaznimi është në fund të tabelës së klasifikimit të Ligës së Parë A. Në anën tjetër Dukagjini me këtë fitore i afrohet kreut.