Dy gola të anuluara për fitore

Franca ka shënuar fitore në përballjen që nga shumë media është quajtur finale para finales në grupin e vdekjes, Grupi F, ku është edhe Portugalia.

Gjelat kanë mposhtur Gjermaninë me rezultat minimal 1-0 përmes një autogoli të shënuar nga Mats Hummels në minutën e 20 të ndeshjes.

Më pas dominimi i Francës vazhdoi përkundër tentimeve të panzerëve, që nuk rrezikuan seriozisht portën e Hugo Llorisit.

TABELA AKTUALE dhe ORARI

Franca shënoi edhe 2 herë në ndeshje, përmes Kylian Mbappes dhe Karim Benzemasë, por të dyja këto gola u anuluan për shkak të pozitës jashtë loje.

Lojën e mirë të Francës e tregon edhe vendimi i Didier Deschamps, që nuk ndërroi asnjë lojtar nga 11-shja e parë, derisa krejt në fund futi në lojë Corentin Tolisson (89) në vend të Benzemasë, për të harxhuar minutën e vetme të mbetur me Ousmane Dembelenë, që ndërroi Adrien Rabiotin.

Gjermania në anën tjetër me Joachim Löwin bëri 4 zëvendësime, por asnjë prej tyre nuk bënë ndërrimin në rezultat edhe pse posedimi dhe dëshira për të barazuar u pa, por shkoi kot.

Me këtë fitore, Franca bën hap të mirë për të dalë nga grupi i vdekjes, pasi që tash e tutje ka punë me Portugalinë e Hungarinë, njëjtë sikurse Gjermania, e portugezët i kanë duelet e forta në vijim, ndaj Francës e Gjermanisë.