BARCELONA - CELTA DE VIGO
E katërta rresht, mesatare magjike e Messit
22 December, 2018 @20:46
Barcelona ka vazhduar me fitore në La Liga duke e shënuar të katërtën me radhë, ndërsa të 11-tën e stinorit.
Viktimë e radhës për ekipin e Ernesto Valverdes ka qenë Celta, që ka pësuar 2-0 sonte me golat e pranuara në pjesë të parë nga Ousmane Dembele dhe Lionel Messi.
Messi me golin e sontëm e ka arritur kuotën e 15 golave të shënuara në 15 ndeshje të zhvilluara për te në La Liga këtë stinor, që e bën atë me mesatare fantastike prej 1 goli për ndeshje.
Në anën tjetër, Dembele ka shënuar të shtatin e stinorit, nga 16 ndeshje të zhvilluara këtë stinor.
