E kuptoi se është gati për EURO2016

Mesfushori i Arsenalit, Jack Wilshere, duke dhënë një intervistë për faqen zyrtare të klubit lidhur me paraqitjet e tij me reprezentacionin anglez, ka bërë të ditur se kur e kuptoi që do të jetë pjesë e europianit.

“Pas 9 muajve të kaluara jashtë fushave u ktheva në ndeshje ndaj Manchester Cityt dhe i zhvillova tre ndeshjet e fundit të stinorit,” ka thënë Wilshere për arsenal.com sot.

“E ndjeva se jam gati për këtë. Kur përzgjedhësi Roy pastaj më ftoi te 26-shja e kuptova se kam qenë i përcjellur në ato pak ndeshje që i kam zhvilluar,” ka shtuar ai.

Anglia së fundi ka shënuar tre fitore në tre miqësoret e fundit, ndërsa europianin e nis më 11 qershor sikurse Shqipëria, në ndeshje ndaj Rusisë në Marseille.