Edhe Rooney po shkon!

Sulmuesi anglez i Manchester Unitedit, Wayne Rooney, ka dhënë sinjalet e para të largimit të mundshëm të tij. 

Ai është përfolur shumë gjatë këtij stinori si opcion për largim, por asnjëherë diçka e tillë nuk ka ndodhur derisa Sir Alex Ferguson ishte aty. 

Mirëpo, me largimin e Fergusonit dhe me ardhjen e David Moyesit në vend të tij (që ka qenë trajner i Rooneyt, kur ky i fundit ka luajtur në Everton) tani më gjithçka është e mundshme. Ai ka pasur disa fërkime me Moyesin në të kaluarën, të cilat sulmuesi i ka cekur në autobiografinë e tij. 

Ndërsa këtë edhe më shumë e ka vërtetuar vetë Rooney i cili sot e ka larguar nga profili i tij zyrtar në Twitter emërtimin “futbollist i Manchester Unitedit” duke e lënë vetëm “Sportist”. 

Bayern Munchen, Chelsea dhe Paris St Germain kanë qenë klubet e lidhura me mundësinë e marrjes së Rooneyt për stinorin e ardhshëm.

Moyes ka qenë njeriu që ia ka mundësuar Rooneyt debutimin në ekip të parë të Evertonit si 16 vjeçar.