RAMIZ SADIKU - VUSHTRRIA
Eugen Rafuna bën Vushtrrinë lidere
17 November, 2018 @15:19
Ka mjaftuar një gol për të marrë lidershipin në Ligë të Parë. Eugen Rafuna ka shënuar golin e vetëm dhe të fitores për Vushtrrinë sot, ndërsa ekipi i kaltër ka shënuar fitore si mysafir ndaj Ramiz Sadikut 0-1 në Prishtinë për të marrë pozitën e liderit në klasifikim.
Edhepse duhet pritur Besën në përballjen e nesërme, vushtrriasit tashmë me këtë fitore futen në xhiron e fundit të pjesës së parë të stinorit krah për krahë me pejanët dhe pritet të thonë fjalën kryesore aty.
Përndryshe, kjo ka qenë fitorja e gjashtë me radhë për Vushtrrinë që ka shënuar sot fitoren e dhjetë të stinorit dhe ka 2 pikë më shumë në krye të klasifikimit sesa Besa.
Ndërsa xhiroja e fundit e vjeshtës pret Vushtrrinë në shtëpi ndaj Onixit në duelin që pritet të jetë derbi i javës së XV në Ligë të Parë.
Ramiz Sadiku ndërkaq, luan derbin lokal ndaj 2 Korrikut.
