GOODISON PARK
Everton lëshon komunikatë për trajnerin e ri
17 December, 2019 @0:01
Skuadra e Evertonit, që pas shkarkimit të Marcos Silvas nga detyra ka emëruar Duncan Fergusonin si trajner të përkohshëm të ekipit - ka lëshuar komunikatë para pak çastesh për të sqaruar opinionin lidhur me trajnerin e ri të skuadrës.
“Mund të konfirmojmë se Bordi i Evertonit është duke punuar për të marrë një trajner dhe është duke u takuar me disa kandidatë potencialë. Mund të konfirmojmë se asnjërit nuk i është ofruar kontratë dhe asnjë s’është në avantazh nga ata. Derisa klubi është duke punuar për të gjetur trajnerin, Duncan Ferguson mbetet si trajner i përkohshëm dhe do të jetë në detyrë në përballjen e Carabao Cupit ndaj Leicesterit të mërkurën,” ka shkruar njoftimi i lëshuar para pak çastesh.
Carlo Ancelotti përflitet të jetë njeriu kryesor që Everton pritet ta emërojë në vend të Silvas. Italiani para dy javësh u shkarkua nga posti i tij te Napoli.
Si opcion është përmendur edhe ish-trajneri i ekipit David Moyes.