BAYERN 6-1 WERDER
Rashica nervozoi bavarezët
14 December, 2019 @17:40
Milot Rashica me një raketë të tijën i dha epërsinë befasuese Werderit në duel ndaj Bayernit në Allianz Arena.
Super goli i Rashicës, që la prapa Jerome Boatengun me një lëvizje mashtruese dhe të shtangur Manuel Neurin në portë, i dha Werderit krahë, që të kërkojnë edhe më nga ndeshja.
Por, reagimi i Bayernit ka qenë ekspres. Bavarezët në minutën e fundit të pjesës së parë shënuan dy herë për të shkuar në pushim me epërsi 2-1, ndërsa në pjesë të dytë dërmuan Werderin për përfundimtaren 6-1 [Coutinho 45, 63, 78, Lewandowski 45, 72, Muller 75 - Rashica 24].
Miloti luajti 86min në ndeshje, ndërsa pati edhe tre raste të mira për të shënuar, derisa për kapacitetin e ekipit të tij, është treguar të jetë një nivel tjetër.
Përndryshe, Rashica i pat shënuar Bayernit edhe në stinorin e kaluar në Allianz Arena.
