GENNARO GATTUSO
Gattuso zyrtarizohet te napolitanët
11 December, 2019 @22:12
Ish trajneri i Milanit, Gennaro Gattuso, tashmë edhe zyrtarisht është trajner i ri i Napolit, një ditë pasi që këta të fundit siguruan të tetën e finales së Ligës së Kampionëve tani më me ish trajnerin, Carlo Ancelotti.
“Duhet të punojmë shumë për të fituar pikë në ligë, pasi që jemi mbrapa. Qëllimi është të kthejmë pikët e humbura dhe të shkojmë sa më tutje në Ligë të Kampionëve,” ka thënë Gattuso në prononcimin e tij të parë zyrtar si trajner i napolitanëve.
Trajneri 41 vjeç do të duhet të bart Napolin nga pozita e shtatë ku gjenden aktualisht në njërën nga pozitat që dërgojnë në Ligë të Kampionëve nga Serie A.
