GJIROKASTËR
Shkarkimi i tretë në Superiore brenda ditës
15 December, 2019 @11:53
E shtunja ka qenë fatale për trajnerët e Superiores shqiptare në futboll.
Pas shkarkimit të Franco Lerdës nga Partizani, pastaj Bledi Shkëmbit nga Teuta, mediat shqiptare kanë bërë të ditur se edhe Luftëtari i Gjirokastrës ka larguar trajnerin.
Georgios Marantas, trajneri grek i ekipit të gjirokastritëve, është shkarkuar nga posti i tij për shkak të rezultateve shumë të dobëta në ciklin e dytë të stinorit të Superiores, ka shkruar Panorama Sport sot.
Luftëtari në 15 xhirot e para të Superiores ka vetëm 8 pikë! Është i parafundit në klasifikim dhe një fitore e vetme përgjatë stinorit e mban ende në pozitë të parafundit.