NË POZHARAN
BOROZANI/ Arian Paçarizi
Ferati sjell tre pikë për Vllazninë
13 November, 2016 @15:44
Vllaznia e Pozharanit ka shënuar sot fitoren e shtatë në Ligë të Parë dhe të dytën në seri aktuale fitoresh, ndërsa golin e vetëm dhe vendimtar të ndeshjes e ka shënuar Ilirian Ferati në pjesë të dytë.
Vitisë iu vështirësuan punët kur në pjesë të parë një lojtar i tyre u ndëshkua me karton të kuq dhe kjo gjë motivoi edhe më shumë pozharanasit në pjesë të dytë që shënuan fitore të madhe në “Ibrahim Kurteshi” për të kapur tre pikëshin e radhës.
Me këtë fitore Vllaznia mbetet në pozitë të mirë për të kërkuar një vend për PlayOff të Superligës.
