Flamurtari mposht rivalin direkt, i afrohet kreut

Duke shënuar fitoren e tetë të stinorit dhe atë në derbi, ndaj liderit të Ligës së Parë B Ulpiana, Flamurtari ka bërë një hap të madh drejt Superligës.

Kuqezinjtë kanë kaluar 2 Korrikun në tabelë dhe tashmë janë pozicionuar në vend të dytë, pas fitores së sotme 3-1 ndaj Ulpianës në Prishtinë.

Flamurtari 3-1 Ulpiana [Leart Emini 35, Kallaba ag. 45, Përparim Osmani 80 - Trimor Sleimi 47].

TABELA AKTUALE

Një gol i bukur nga gjuajtja e lirë e Leart Eminit ka hapur serinë e golave për vendasit sot, që marshuan drejt fitores në një ndeshje që tregoi epitetin e derbit, pasi që edhe mysafirët kishin rastet e tyre, por kuqezinjtë nga kryeqyteti ishin më konkret para portës dhe fituan.

Përndryshe kjo ka qenë humbja e katërt e Ulpianës këtë stinor në Ligë të Parë, ndërsa për herë të parë kanë pësuar tri gola në humbje.