JEAN-CLAIR TODIBO
Francezi 19 vjeç zyrtarizohet nga Barcelona
8 January, 2019 @15:41
Skuadra e Barcelonës ka bërë të ditur se ka arritur marrëveshje me qendërmbrojtësin 19 vjeçar të Francës, Jean-Clair Todibo.
I vlerësuar si një lojtar me perspektivë, Todibo do të bëhet lojtar i Barcelonës prej datës 1 korrik 2019, ndërsa ekipi katalonas e ka siguruar atë pa dëmshpërblim, pasi që futbollistit i kryhet kontrata me Toulouse-in në fund të këtij stinori.
Përveç qendrës së mbrojtjes, Todibo mund të luajë edhe në pjesën defanzive të mesit të fushës dhe është teknik që me 189 centimetrat e tij e bëjnë të jetë potencial i së ardhmes.
