Fushë Kosova lidere, fiton dhe reagon ndaj presionit e sulmit

Skuadra e Fushë Kosovës ka vazhduar lidershipin në Ligë të Dytë të Kosovës me fitore ndaj Dushkajës sot 1-2 [n.n. - Nderim Jashari, Urim Statovci].

Mirëpo, fitorja e Fushë Kosovës është vënë në hije nga presioni i madh i vendasve ndaj gjyqtarëve - ka shkruar njoftimi i ekipit të Fushë Kosovës në llogarinë zyrtare të tyre në Facebook.

“Ne i posedojmë të gjitha videot të cilat do t’i dorëzojmë në FFK. Ftojmë organet e Federatës që të mirren seriozisht me këtë çështje për të mirën e futbollit,” ka shkruar njoftimi i KF Fushë Kosovës, ku ka përmendur se i është sulmuar edhe kryesia e klubit dhe marrja e telefonit të njërit nga anëtarët e klubit.