BESA - DRENICA
Genc Hamiti vendimtar, zbret Besën në zonën e ‘ftohtë’
22 April, 2018 @17:15
Me një gol të Genc Hamitit në minutën e 79’, Drenica ka arritur të shënojë një fitore mjaft të rëndësishme ndaj Besës në Pejë.
Ndeshja kaloi me raste nga të dyja palët, mirëpo më cinike u tregua skuadra nga Skenderaj, e cila përmes sulmuesit të saj kryesor e gjeti golin dhe e arriti arkëtimin e 3 pikëve.
Kjo fitore bën që Drenica të krijojë diferencë edhe më të madhe në pikë ndaj Vëllaznimit dhe t’i afrohet mbetjes në elitë pa pasur nevojë të luajë në barazh, derisa Besa në anën tjetër tashmë ka rënë në zonën e rrezikshme, me Flamurtarin që e fitoi ndeshjen e vet ndaj Vëllaznimit.
