EREDIVISIE
Humbja në derbi e lë pa punë
17 December, 2019 @1:33
Derbi i madh holandez mes Feyenoordit dhe PSV-së në fundjavë përfundoi me fitoren e vendasve, ndërsa këta të fundit u detyruan ta ndërrojnë trajnerin pas humbjes!
Feyenoord mposhti PSV-në 3-1 dhe me këtë humbje PSV ra në pozitën e katërt me 10 pikë më pak se lideri i ligës, Ajax.
Kjo bëri që trajneri Mark Van Bommel, pas 18 muajsh në detyrë të shkarkohet nga pozita e tij.
“Seria e vazhdueshme e rezultateve jo të mira na detyroi të marrim këtë vendim,” ka shkruar ndër të tjera njoftimi i klubit të famshëm holandez.
Van Bommel, 42 vjeç, kishte ardhur në krye të PSV-së në qershor të vitit 2018, kur zëvendësoi Phillip Cocun.