MBROJTËSI I KOSOVËS
Ibrahim Dresevic kërkohet nga të mëdhenjtë e Holandës
18 December, 2019 @10:03
Futbollisti i reprezentacionit të Kosovës, Ibrahim Dreshevic, që luan për ekipin e Heerenveenit në Eredivisie të Holandës, mund të kalojë në një ekip më të madh që në janar të vitit të ardhshëm.
Futbollisti 22 vjeç që luajti në përballjet e fundit kualifikuese të Kosovës për në EURO 2020, ka qenë pjesë e pazëvendësueshme e Heerenveenit dhe ka shënuar dy gola e një asistim në pjesën e parë të stinorit në Holandë.
Ndërsa mediat e atjeshme kanë raportuar se ai është bërë synim kryesor i ekipit të PSV Eindhovenit dhe AZ Alkmaarit, të cilët konsiderojnë të paguajnë deri në 1 milionë euro dëmshpërblim për lojtarin.
Dresevic ka kontratë me Heerenveenin deri më qershor të vitit 2022.