LEAGUE CUP: ASTON VILLA 5-0 LIVERPOOL
Villa s’fal të rinjtë e Liverpoolit, bindshëm në gj’finale
17 December, 2019 @22:59
Aston Villa nuk ka lëshuar rastin për të kaluar në gjysmëfinale të Kupës së Ligës së Anglisë, duke ditur se Liverpool luante me të rinjtë e ekipit në këtë përballje dhe nën komandën e trajnerit të skuadrës U23, Neil Critchley.
Villa ka shënuar fitore 5-0 ndaj ekipit më ri të regjistruar të Liverpoolit në një ndeshje zyrtare, me moshë mesatare prej 19 vjet e 6 muaj, për të siguruar gjysmëfinalen e garës.
Seniorët e Liverpoolit kanë udhëtuar në Katar, pasi që kërkojnë të fitojnë Kupën Botërore të Klubeve.
E Villa, që kishte bërë dhjetë ndërrime në emëroren startuese nga ndeshja e fundit e Premier Ligës ndaj Sheffield Unitedit, me përvojë të madhe në ekip - ka kaluar lehtë pengesën - që s’pritej të qëllonte kështu.