Iheanacho përmbys Palace’in, Leicester me një këmbë në Champions

Nigeriani Kelechi Iheanacho ka shkëlqyer për ekipin e Brendan Rodgersit sonte, derisa Leicester City ka përmbysur epërsinë e hershme të Crystal Palace‘it për të fituar në fund 2-1 [Castagne 50, Iheanacho 80 - Zaha 12].

Fitorja ka çuar Leicesterin 7 pikë mbi pozitën e pestë të renditjes tabelare dhe tashmë vetëm vetë mund ta humbin rastin ideal për të arritur sigurimin e Champions League për stinorin tjetër.

TABELA AKTUALE

Mirëpo, Rodgers do të duhet të mendojë mirë para tri dueleve të fundit të stinorit, kur pas Southamptonit dhe Newcastle’it, ata i shkojnë Man Unitedit e Chelseat, para se të presin Tottenhamin në xhiron e fundit.

Iheanacho ka shënuar mrekullueshëm golin e tij sonte, pasi që më parë kishte asistuar te goli i Castagnes. Dhe tash, Leicester është shumë-shumë afër Ligës së Kampionëve.

Pas Leicesterit renditet Chelsea që ka 4 pikë më pak, ndërsa West Ham United i pesti ka 55 pikë!