Italia e madhe karshi Anglisë

Mario Balotelli ka shënuar një gol në fillim të pjesës së dytë pas krosimit të Antonio Candrevas për t’ia dhënë fitoren e madhe Italisë, në ndeshjen e madhe ndaj Anglisë në Botëror. 

Kjo i ka dhuruar Italisë fitoren e parë në grupin e vdekjes dhe me këtë, fut këtu edhe disfatën e befasishme të Uruguajit, Italia ka bërë hapin e madh drejt daljes nga grupi. 

Ndeshja e shumëpritur ndërmjet Anglisë dhe Italisë solli emocione të shumta dhe plotësisht arsyetoi veten. 

Raste të panumërta nga të dyja palët, luftë në çdo cep të fushës dhe entuziazëm, ishin vetëm disa nga emocionet që dhuroi ndeshja e dytë e grupit të vdekjes në Botëror. 

Skuadrat përfunduan me barazim pjesën e parë pas një goli të bukur të Claudio Marchisios, që shumë shpejtë u anulua për tu barazpeshuar gjithçka vetëm dy minuta më vonë nga Daniel Sturridge.