Juve përmbys Napolin, i afrohet finales

Në takimin e parë gjysmëfinal të ‘Coppa Italia’, Juventusi shënoi fitore 3-1 ndaj skuadrës së Napolit, për t’iu afruar kështu shumë finales, duke ditur që në ndeshjen e kthimit në Napoli shkon me një epërsi 2 golëshe.

Pjesa e parë u mbyll me epërsinë e mysafirëve, të cilët epërsinë e gjetën me golin e Callejonit pas një akcioni të rrjedhshëm, kurse përmbysja e Juventusit erdhi në pjesën e dytë. Dy penallti nga Dybala dhe një gol i Higuainit bënë që Juventusi ta përmbyste ndeshjen dhe rezultati përfundimtar i takimit ishte 3-1.

Duhet përmendur që për shkak të suspendimit, Elseid Hysaj nuk luajti sonte për Napolin.

Ndeshja e kthimit zhvillohet më 5 prill në Napoli, kurse në gjysmëfinalen tjetër takohen Lazio dhe Roma.