Komplikohet situata në Grupin C

Si në Paris, edhe në ndeshjen e zhvilluar sonte në Napoli, skuadra vendase e Napolit dhe ajo e PSG-së kanë ndarë pikët. Mirëpo, fakti që ndeshja e sontme përfundoi 1-1, bën që Napoli të ketë avantazh ndaj Parisit nëse skuadrat e mbyllin grupin me pikë të barabarta, për shkak që Napoli ka shënuar më shumë gola në terrenin mysafir (ndeshja e parë në Francë u mbyll 2-2).

Juan Bernat shënoi për mysafirët e Lorenzo Insigne për vendasit, duke bërë që skuadrat të detyrohen t’i ndajnë pikët edhe sonte.

GRUPET - CHAMPIONS LEAGUE

Në duelin tjetër të grupit, Liverpooli u mposht 2-0 nga Crvena Zvezda në Beograd, rezultat i cili e bën edhe më interesant gjendjen në këtë grup.

Sa i përket ndeshjeve në grupet tjera sonte, Club Brugge fitoi 0-4 ndaj Monacos dhe Atletico fitoi 2-0 ndaj Dortmundit në Grupin A, Barcelona barazoi me Interin 1-1 e Tottenhami e mposhti PSV-në 2-1 në Grupin B, ndërsa në Grupin D, Schalke fitoi 2-0 ndaj Galatasarayt e Porto e mposhti 4-1 Lokomotivën e Moskës.