PËRFAQËSUESJA
BOROZANI/ Lis Dorambari
Kosovës i rritet vlera për 10 milionë €
30 August, 2016 @20:02
Ardhja e disa lojtarëve të ri në përfaqësuesen e Kosovës, si Milot Rashica, Valon Berisha, Alban Meha, Amir Rrahmani, Herolind Shala e të tjerë, e ka dyfishuar vlerën e skuadrës.
Në krahasim me ndeshjen e fundit miqësore ndaj Ishujve Faroe, ku vlera e përgjithshme e futbollistëve të përfaqësueses së Kosovës ishte vetëm 9.4 milionë euro (shuma e vlerave aktuale të futbollistëve që luajtën kundër Ishujve Faroe), tani vlera e Kosovës është rritur në 19.95 milionë euro.
Kjo vlerë mund të ishte edhe më e madhe, po qe se në skuadër do të ishin futbollistët që veçse kanë pranuar të luajnë për Kosovën si Loret Sadiku, Arbër Zeneli e Besart Berisha, të cilët munguan në listën e Albert Bunjakit për shkaqe të ndryshme.
Vlera e përfaqësueses së Kosovës është llogaritur nga Borozani.com në bazë të vlerës së lojtarëve nga faqja transfermakt.com, të cilët janë përfshirë në listën e Albert Bunjakit për ndeshjen kundër Finlandës.
Lojtari më i shtrenjtë te Kosova është Milot Rashica me 2.75 milionë euro, i ndjekur nga Valon Berisha me 2.5 milionë euro, derisa futbollistët si Flamur Neziri, Granit Kolshi, Ardian Ismajli dhe Bersant Celina ende mbeten me vlerë zero.
Vlera e lojtarëve të përfaqësueses së Kosovës
| Milot Rashica | 2.75 milionë euro | ||
| Valon Berisha | 2.5 milionë euro | ||
| Alban Meha | 1.8 milionë euro | ||
| Amir Rrahmani | 1.75 milionë euro | ||
| Herolind Shala | 1.25 milionë euro | ||
| Hekuran Kryeziu | 1 milion euro | ||
| Vedat Muriqi | 1 milion euro | ||
| Eroll Zejnullahu | 900 mijë euro | ||
| Bernard Berisha | 900 mijë euro | ||
| Besar Halimi | 900 mijë euro | ||
| Fanol Përdedaj | 700 mijë euro | ||
| Leart Paqarada | 700 mijë euro | ||
| Benjamin Kololli | 600 mijë euro | ||
| Enis Alushi | 550 mijë euro | ||
| Alban Pnishi | 500 mijë euro | ||
| Samir Ujkani | 500 mijë euro | ||
| Sinan Bytyqi | 500 mijë euro | ||
| Bajram Jashanica | 450 mijë euro | ||
| Albert Bunjaku | 300 mijë euro | ||
| Valmir Sylejmani | 250 mijë euro | ||
| Avni Pepa | 150 mijë euro | ||
| Ardian Ismajli | Nuk ka çmim | ||
| Bersant Celina | Nuk ka çmim | ||
| Granit Kolshi | Nuk ka çmim | ||
| Flamur Neziri | Nuk ka çmim | ||
| TOTAL | 19.95 milionë euro |
