BOURNEMOUTH - ARSENAL
Foto: PremierLeague/fb
Krizën e B’mouth e shfrytëzon edhe Arsenali
25 November, 2018 @16:34
Unai Emery me Arsenalin kanë regjistruar ndeshjen e 17 pa humbje në të gjitha garat, ndërsa ekipi i topçinjëve nga Londra ka shënuar fitore ndaj Bournemouthit sot 1-2 në Vitality Stadium.
Falë golit të Pierre Emerick Aubameyang në pjesë të dytë të ndeshjes (67’), Arsenal ka marrë tre pikë të reja dhe tashmë i është afruar TOP 4-shes në Premier Ligë, në një pikë.
Në anën tjetër, Bournemouth ka regjistruar humbjen e tretë me radhë. Pas Manchester Unitedit, Newcastle Unitedit, tash ekipi i Eddie Howe-it është mposhtur edhe nga Arsenal, për të rënë në pozitën e tetë të klasifikimit.
Dyshja Shkodran Mustafi dhe Granit Xhaka kanë qenë për 90 minuta në fushë për ekipin e Arsenalit.
