FULHAM - SOUTHAMPTON
Foto: PremierLeague/fb
S’është punë e lehtë kjo
25 November, 2018 @12:26
Iu kthye Premier Ligës me fitore.
Simpatiku Claudio Ranieri, që fitoi dashurinë e gjithë adhuruesve të futbollit pas vitit special me Leicester Cityn në Premier Ligë, ia nisi me fitore.
Fulham mposhti Southamptonin 3-2 në një ndeshje me plotë gola, ndërsa në 25 minutat e para të ndeshjes londinezët vendas ishin të tejkaluar në çdo pozitë nga kundërshtari.
“Nuk është punë e lehtë kjo,” tha Claudio Ranieri pas fitores. “Ne luajtëm mirë, por i dhamë shumë raste kundërshtarit. Duhet të përmirësohemi shumë. Duhet të përmirësohemi taktikisht tepër.”
Dueli i radhës për Fulhamin e Ranierit është ndaj Chelseat. Ranieri ka drejtuar Chelsean shumë vite më parë.
