TREPÇA - VLLAZNIA
Foto nga arkivi KFTrepça/fb
Nëntori i suksesshëm për Trepçën
24 November, 2018 @15:43
Futbollistët e Trepçës duket se janë këndellur gjatë këtij muaji. Disfata e fundit e ekipit mitrovicas që tetë vite më parë ka qenë kampion i Superligës, daton në tetor, ndërsa muaji nëntor ka qenë i suksesshëm për ekipin.
Trepça ka shënuar fitoren e dytë të muajit nëntor sot, duke e mposhtur si vendas në Adem Jashari ekipin e Vllaznisë së Pozharanit që është në krizë të rezultateve.
Mitrovicasit në total gjatë nëntorit kanë dy fitore në shtëpi dhe dy barazime si mysafir, që ua mbyll atyre muajin goxha suksesshëm me tetë pikë të fituara nga 12 të mundshme dhe i ngrit në tabelë.
