Kroacia fenomenale, kualifikohet

Me vetëm dy ndeshje të zhvilluara në grupin e vdekjes, Kroacia me fitore maestrale ndaj Argjentinës sonte, 3-0, ka siguruar kualifikimin në fazën tjetër të Kampionatit Botëror, Rusia 2018.

Goli i parë i Kroacisë erdhi në fillim të pjesës së dytë, kur portieri i Argjentinës, Willy Caballero bëri një gabim dhe Ante Rebic, pa frikë, maestralisht shënoi për avantazh.

TABELA dhe ORARI

Prej atij momenti, Kroacia fitoi vetëbesimin e munguar dhe kontrolloi lojën përkundër se Argjentina kishte topin më shumë në këmbë.

Të sigurtë në dalje dhe të rrezikshëm në topa të gjatë, kroatët shënuan edhe dy herë deri në fund të ndeshjes, kur Luka Modric dha gol prej mbi 20 metrave e krejt në fund, Ivan Rakitic hoqi të gjitha dilemat sa i përket fituesit.

Kroacia me këtë fitore kualifikohet tutje nga Grupi D, ndërsa nesër pritet të shihet çfarë do të ndodhë në duelin tjetër të grupit, ku takohen Islanda - Nigeria.