Kthehet në janar

Sulmuesi i Francës, Olivier Giroud, u lëndua rëndë në ndeshje ndaj Evertonit dhe për këtë do të duhet të pushojë së paku deri në fillim të vitit të ardhshëm. 

Arsene Wenger, që u gëzua pas kualifikimit të ekipit të tij në Ligë të Kampionëve sonte, duke e mposhtur Besiktasin 1-0, ka thënë se Giroud ka kaluar një operacion sot, pas lëndimit në ndeshjen e fundjavës ndaj Evertonit ku shënoi gol dhe ai do të mungojë deri në fillim të janarit 2015. 

“Ai do të mungojë deri në fund të dhjetorit, por për të qenë në cilësinë e tij maksimale, ai do të duhet të pushojë deri në janar 2015,” ka thënë Wenger ndër të tjera për Sky Sports 5, pas ndeshjes së sontme. 

Derisa kanali në fjalë tentonte të nxirrte nga Wengeri emrin e ndonjë sulmuesi potencial për transfer për shkak të lëndimit të Giuroudit, ai ka thënë se fatmirësisht tash kthehet Theo Walcott, ndërsa Yaya Sanogo dhe Lukas Podolski bashkë me Joel Campbellin do të mund të luajnë në qendër të sulmit për ta mbuluar mungesën e françezit të lënduar, që postoi në Twitter fotografinë se si është duke e shikuar ndeshjen aktualisht.