ISTOGU - DRENASI
Kuqi e Qeta sjellin fitoren e rëndësishme
20 April, 2019 @18:02
Skuadra e Istogut ka shënuar fitoren e nëntë të stinorit në Ligë të Parë sot, duke e mposhtur Drenasin 2-1 në Demush Mavraj.
Epërsia e hershme e ardhur për ekipin e Istogut përmes Rinor Kuqit u neutralizua nga mysafirët pak para fundit të pjesës së parë, 1-1.
Dhe kur nisi pjesa e dytë vendasit arritën që përmes Erjon Qetës të shënojnë edhe njëherë. Me këtë gol, troftat ruajtën epërsinë deri në fund të takimit dhe 2-1 përfundimtare i solli tre pikë jashtëzakonisht të rëndësishme për ekipin.
Me këtë fitore Istogu sado pak largohet nga zona e rrezikshme dhe barazohet në tabelë me pikë me Drenasin.
