Kush do ta zëvendësojë?

Leicester City ditë më parë shkarkoi trajnerin francez të ekipit, Claude Puel.

Ish kampioni i Premier Ligës, pësoi disfatë të rëndë në xhiro të fundit, duke u mposhtur thellë nga Crystal Palace në King Power, 1-4.

Puel pas 16 muajve u largua nga ekipi, ndërsa në stinorin e kaluar nga zona e rënies i ngriti në pozitën më të mirë (hiq stinorin kampion) që nga viti 2000 në Premier Ligë.

BBC Sport në njoftimin e fundit bën të ditur se emrat që po lakohen si zëvendësues të Puelit te Leicester City janë Brendan Rodgers dhe Rafa Benitez.

Rodgers nuk besohet të shkëputet lehtë nga Celticu ku gjithçka po shkon mirë. Derisa Benitez varet shumë nga stinori dhe buxheti për vitin tjetër te laraskat.

Sidoqoftë, Leicester ka ekip dhe mund të konkurrojë deri te një vend që dërgon në gara evropiane nga Premier Liga, përkundër rezultateve jo të mira që morrën së fundi.