TRANSFER
Llapi bëhet me sulmues brazilian
3 May, 2021 @13:46
Sot Llapi përmes një njoftimi zyrtar ka bërë të ditur se ka arritur marrëveshje me sulmuesin brazilian, Alef Firmino Dos Anjos.
Futbollisti 23-vjeçar së fundi ka qenë pjesë e ligës së dytë të Kroacisë, ku ka luajtur për Dubravën. Para saj Firminoja tash llapjan, ka qenë pjesë e Nasices, ku kishte shënuar 20 gola e 8 asistime përgjatë stinorit 2019/20.
Dos Anjos ka nënshkruar kontratë 3-vjeçare me klubin nga Podujeva, derisa është i lindur në Sao Paolo të Brazilit.
Llapi këtë stinor përkundër ecurisë jo të mirë në Superligë, ka arritur të dalë në finale të Kupës ku mëton trofeun.
Nëse Llapi e fiton Kupën e Kosovës atëherë për herë të parë do të ketë mundësi të luajë në gara evropiane në histori të klubit.
Finalja e Kupës Llapi-Dukagjini zhvillohet më 12 maj 2021 në Fadil Vokrri të Prishtinës. Dukagjini bën pjesë në Ligë të Parë të Kosovës.
