Llapi kërkon fitore në derbi, kthehen Zhdrella e Emini

Skuadra e Llapit, që është ekipi i vetëm në Superligë me pikë maksimale pas dy xhirove të para të stinorit të ri, kërkon të vazhdojë formën e mirë që ka kapur.

Llapi pret Gjilanin në Zahir Pajaziti të Podujevës sot, ndërsa pas fitoreve ndaj Drenicës dhe Vllaznisë së Pozharanit, Gjilani është ekipi i parë që s’ka ende humbje e me të cilin ndeshen podujevasit.

ORARI I XHIROS III

Bardhekaltërve nga Podujeva këtë xhiro i kthehen edhe dyshja Leart Emini dhe Mentor Zhdrella, pasi që i janë kthyer stërvitjeve pas sëmundjeve që kishin.

Ndërkaq, për Gjilanin kjo do të jetë ndeshja e parë e stinorit jashtë stadiumit të tyre. Ekipi i drejtuar nga Arbnor Morina dy duelet e para të stinorit i luajti si vendas, ku mposhti Besën dhe barazoi me ish-kampionin Feronikeli për të kapur vendin e dytë të klasifikimit aktualisht.

TABELA AKTUALE E SUPERLIGËS

Te Gjilani nuk ka mungesa të raportuara, ndërsa ekipi është i mirëpërforcuar me disa futbollistë të ardhur nga Besa gjatë verës. Kurse, vetëm terreni si mysafir mund të llogaritet hendikep për të kuqtë e Gjilanit.

Ndeshja nis sot në ora 16:30, derisa drejtësia do të ndahet nga katërshja: Besfort Kosumi, Driton Preniqi, Fatmir Abrashi dhe Labinot Fejza.