Sejdiu kërkon kujdes para ndeshjes me ish-ekipin

Sot hapet xhiroja e tretë e Superligës, ndërsa në program janë dy ndeshje: Feronikeli-Besa dhe Llapi-Gjilani.

TABELA AKTUALE E SUPERLIGËS

Trajneri i Feronikelit, Gani Sejdiu, që stinorin e kaluar ka qenë pjesë e Besës, ka kërkuar kujdes dhe koncentrim maksimal nga lojtarët, pasi që përballë kanë një kundërshtarë serioz pa marrë parasysh gjendjen aktuale të ekipit.

“Kjo është një ndeshje shumë e rëndësishme, pasi që kemi përballë një ekip që din të bëjë befasi pavarësisht që nuk është në nivelin që ka qenë përpara,” ka thënë Sejdiu para ndeshjes.

DUELET E XHIROS III

Në dy xhirot e para, Feronikeli ka mbledhë 4 pikë, ndërsa Besa 3. Ndeshja zhvillohet sot me fillim në ora 16:30 në Rexhep Rexhepi të Drenasit.

Refer kryesor i takimit është Visar Kastrati, me ndihmës të parë, Granit Hyseni, të dytë Elvis Bicaj, ndërsa refer i katërt është Alban Shala.