LARGIMI
Llapi ndanë rrugët me Ramadanin
25 May, 2021 @15:53
Mesfushori Alban Ramadani nuk do të jetë pjesë e skuadrës së Llapit në stinorin e ri.
Nëpërmjet një njoftimi në faqen e saj, skuadra llapjane ka bërë ditur për përfundimin e bashkëpunimit me lojtarin në fjalë, të cilit tashmë i ka skaduar kontrata dhe ka mbetur lojtar i lirë.
“Falenderojmë për kontributin e dhënë gjatë edicionit 2020/21 mesfushorin Alban Ramadani, i cili së bashku me shokët e skuadrës arriti të jetë pjesë e suksesit historik të Llapit Evropian. Me marrëveshje kemi mbyllur bashkëpunimin, klubi i dëshiron shumë suksese në karrierë”, thuhet në njoftimin e klubit.
Ramadani ishte transferuar te Llapi në gusht të vitit të kaluar, ndërsa gjatë këtij stinori ka pasur gjitsej 23 paraqitje me ekipin llapjan.
