Llapi pret Prishtinën, a do të ndërrohet lideri?

Pas humbjes nga Trepça ‘89, që ishte e para për Llapin sivjet, skuadra e Tahir Batatinës e pret në shtëpi skuadrën e Prishtinës, e cila nuk di për humbje që nga ndeshja e parë e sezonit në të cilën u mposht 0-1 nga Drita.

Llapi, që i prin tabelës me 14 pikë, e kërkon fitoren dhe ruajtjen e kreut të klasifikimit njëkohësisht, e në anën tjetër, një fitore e mundshme e kryeqytetasve do të bënte që Prishtina të ngjitej mbi Llapin në tabelë, mirëpo se a do t’i takonte kreu i klasifikimit do të varej edhe nga ballafaqimi mes Vëllaznimit dhe Trepçës ‘89, me mitrovicasit që kanë pikë të barabarta me skuadrën e drejtuar nga Mirel Josa.

TABELA AKTUALE SUPERLIGA

Duhet përmendur që Prishtina në këtë duel futet pas largimit të Anel Rashkajt, i cili u largua për arsye personale drejt Suedisë ditë më parë, ndërsa edhe sulmuesi Basit Khalid është detyruar të operohet për shkak të problemeve me gjurin.

Dueli zhvillohet me fillim nga ora 15:00 në “Zahir Pajaziti” të Podujevës.