VUSHTRRIA - DUKAGJINI
Lleshi vendos, Vushtrria fiton duelin e kreut
11 November, 2018 @15:38
Disa minuta para fundit të pjesës së parë, ka qenë Anton Lleshi që ka çuar stadiumin Ferki Aliu të Vushtrrisë në delir.
Lleshi ka shënuar për epërsinë 1-0 të Vushtrrisë në derbi ndaj Dukagjinit të Klinës dhe ka përcaktuar fituesin e duelit, që tashmë krijon distancë në klasifikim dhe hap rrugë për Superligë për fituesin.
Ekipi i Samuel Nikajt, Vushtrria, ka bërë çmos në minutat e fundit të ruaj epërsinë dhe në fund ia ka arritur duke kapur tre pikët shumë të rëndësishme nga kjo ndeshje.
Vushtrria ndjek Besën lidere me një pikë më pak, ndërsa Dukagjini i treti në renditje aktualisht, ka 5 pikë më pak se të kaltërit.
