TRANSFER
Manaj zyrtarisht te Pisa
18 January, 2017 @15:47
Sulmuesi i kombëtares shqiptare, Rey Manaj, është futbollisti më i ri i skuadrës italiane, Pisa, e cila garon në Serie B.
Manaj i është bashkuar dyshes shqiptare te kjo skuadër, Samir Ujkani dhe Edgar Çani, ndërsa transferimi i tij është konfirmuar nga vetë faqja zyrtare e Pisas.
19 vjeçari ka kaluar te Pisa në formë huazimi deri në fund të këtij stinori nga skuadra e Interit.
Manaj gjatë pjesës vjeshtore ishte i huazuar te Pescara, me të cilën ka pasur 12 paraqitje dhe ka shënuar 2 gola në Serie A.
Ai te skuadra e re do ta ketë për trajner ish futbollistin e mirënjohur italian, Gennaro Gattuso.
