DRITA - FERONIKELI
Me përmbysje ruan kreun
29 April, 2018 @18:10
Në një atmosferë fantastike me mbi 4500 shikues të pranishëm në stadium, skuadra e Dritës ka shënuar fitore me përmbysje ndaj Feronikelit në shtëpi
Në momentet kur Drita po dominonte dhe po e kërkonte vazhdimisht golin, ishin mysafirët ata që e gjetën golin e epërsisë. Për 0-1 shënoi Mendurim Hoti, ndërsa përkundër trysnisë së vendase pas golit të pësuar, pjesa e parë u mbyll me epërsinë e mysafirëve.
Mirëpo, përmbysja e vendasve ishte e ‘ruajtur’ për 30 minutat e fundit. Me presion të vazhdueshëm dhe me plot raste për shënim, gjilanasit shënuan 3 herë, për ta mbyllur këtë takim me fitore 3-1 dhe për ta vazhduar formën e mirë kampionale.
Kjo fitore bën që Drita ta ruajë epërsinë 3 pikëshe ndaj Prishtinës, e cila po e ndjek hap pas hapi.
