JAVA XXVII
Punë e vështirë për liderët e Ligës së Parë
29 April, 2018 @9:51
Përveç ndeshjeve të Superligës, sot futbolli kosovar sjell edhe ndeshje nga Liga e Parë.
Ballkani, lideri aktual i Ligës së Parë, udhëton në Klinë për t’u ndeshur me Dukagjinin, ndërsa KEK-u i vendit të dytë ka gjithashtu punë të vështirë ndaj Trepçës në Mitrovicë. Vushtrria, që ndodhet shumë pranë dy pozitave të para, e pret Kikën në shtëpi, ndërsa Ferizaji do të tentojë ta ruajë vendin e katërt me një fitore potenciale ndaj Kosovës së Prishtinës.
Takimi i pestë dhe i fundit i ditës luhet mes Vitisë dhe Ramiz Sadikut, skuadra këto që ndodhen pranë njëra-tjetrës në tabelë.
Të gjitha ndeshjet fillojnë në ora 15:00.
