Messi, Neymar, Muller, apo tjetërkush?

Përveç titullit të Botërorit, edhe lufta për Këpucën e Artë të Botërorit është duke zgjuar interesim të madh te adhuruesit e kësaj ngjarjeje. 

Lionel Messi i Argjentinës, Neymar i Brazilit dhe Thomas Muller i Bayern Munchenit, janë treshja kryesuse aktualisht në Botëror me nga 4 gola të shënuara në tre ndeshjet e para të fazës grupore. 

Pas tyre, me radhë vinë Arjen Robben, Enner Valencia, James Rodriguez, Karim Benzema, Robin Van Persie dhe Xherdan Shaqiri - me nga tre gola të shënuara. 

Tani në të tetën e finales vetëm Enner Valencia i Ekuadorit është eliminuar nga Botërori, derisa futbollistët tjerë janë ende në luftë për golashënuesin më të mirë të “Brazili 2014”. 

Messi do të ketë punë me Zvicrën në të tetën e finales, Neymar me Kilin, derisa Muller me Algjerinë nga kryesuesit e shënuesve. 

Në anën tjetër në këtë listë mund të vërehet qartë se Holanda ka dy futbollistë në këtë luftë ku Arjen Robben dhe Robin Van Persie me 7 golat e tyre - janë të vetmit nga një përfaqësuese në listën e golashënuesve.