ANALIZË E BOTËRORËVE
Rënie drastike e europianëve
27 June, 2014 @12:21
Kampionati Botëror po bëhet gjithnjë e më i vështirë për përfaqësueset europiane, derisa latinoamerikanët dhe konfederatat tjera vazhdojnë ngritjen.
Kjo pasi që nga Kampionati Botëror “Meksika 1986” e tutje, kur janë luajtur të tetat e finales si tash, europianët kanë mbushur mbi gjysmën e përfaqësueseve në TOP 16.
E në dy Kampionatet e fundit, “Afrika Jugore 2010” dhe “Brazili 2014” është vërejtur një rënie drastike e europianëve në të tetën e finales.
Te dy Botërorët e fundit janë vetëm 6 europianë që kalojnë fazën grupore dhe arrijnë të tetën e finales. E para këtyre, njëherë 9, të tjerat nga 10 e në “SHBA 1994” kanë qenë 11 përfaqësuese europiane që kanë kaluar në këtë fazë.
Pa marrë parasysh se ose europianët ose latinoamerikanët janë fitues të Botërorit, rënia e europianëve në TOP 16 nga 10 që ka qenë standardi i gati 30 viteve të fundit në 6 ekipe - është shqetësues për konfederatën që çon më së shumti pjesëmarrës në Botëror.
Pjesëmarrës në Botëror janë mesatarisht 13 përfaqësuese europiane në vitet e fundit.
Të mbijetuarit e 2 Botërorëve të fundit:
| BRAZILI 2014: | Holanda, Greqia, Franca, Gjermania, Zvicra dhe Belgjika; | ||
| AFRIKA JUGORE 2010: | Gjermania, Anglia, Holanda, Sllovakia, Spanja dhe Portugalia; |
Europianët në 1/8 e finales nga viti 1986:
| 1 | MEKSIKA 1986: | 10 përfaqësuese europiane | *24 skuadra pjesëmarrëse në Botëror | |
| 2 | ITALIA 1990: | 10 përfaqësuese europiane | *24 skuadra pjesëmarrëse në Botëror | |
| 3 | SHBA 1994: | 11 përfaqësuese europiane | *24 skuadra pjesëmarrëse në Botëror | |
| 4 | FRANCA 1998: | 10 përfaqësuese europiane | *32 skuadra pjesëmarrëse në Botëror | |
| 5 | KOREA DHE JAPONIA 2002: | 9 përfaqësuese europiane | *32 skuadra pjesëmarrëse në Botëror | |
| 6 | GJERMANIA 2006: | 10 përfaqësuese europiane | *32 skuadra pjesëmarrëse në Botëror | |
| 7 | AFRIKA JUGORE 2010: | 6 përfaqësuese europiane | *32 skuadra pjesëmarrëse në Botëror | |
| 8 | BRAZILI 2014: | 6 përfaqësuese europiane | *32 skuadra pjesëmarrëse në Botëror |
