Mici: Cilësinë duhet ta dëshmojmë në fushë

Mbrojtësi i Prishtinës Gledi Mici në prag të ndeshjes ndaj Connahs Quay Nomads ka thënë se bardhekaltërit duhet të dëshmojnë në fushë cilësinë e tyre.

Përkundër se në letër llogariten më cilësor, prishtinasit duhet këtë të dëshmojnë në fushë, ka thënë ndër të tjera ai.

“Ndjehemi të përgatitur maksimalisht për ndeshjen e nesërme. Megjithëse fare nuk do të jetë lehtë, tek e fundit edhe ata janë kampion shteti. Megjithatë e konsideroj skuadrën tonë më në epërsi shkak faktit se mendoj se jemi më cilësor, por kjo prapë mbetët të dëshmohet nesër në fushë. Duam që nesër të japim më të mirën e të kemi më lehtë në ndeshjen kthyese. Janë 180 minuta para nesh dhe na duhet të dëshmojmë për objektivin që kemi, kalimin e raundit,” ka thënë Mici ndër të tjera.

Prishtina nesër prej orës 18:00 në Fadil Vokrri ka ndeshjen e parë të raundit të dytë kualifikues të Ligës së Konferencës ndaj uellsianëve të Connahs Quay Nomads.