Muriqi zverdhet përballë Fenerbahçes

Skuadra e Vedat Muriqit, Giresunspor, ka pësuar humbjen e tretë në Kupën e Turqisë.

Kësaj radhe rivali i ekipit të Muriqit ishte gjiganti turk, Fenerbahçe, që ka buxhet dhjetëra herë më të madhe se Giresunspori.

Rrjedhimisht, dallimi i madh në cilësi u pa edhe në fushë, megjithëse mundi i Muriqit dhe shokëve të tij ishte për t’u duartrokitur.

Sulmuesi prizrenas luajti gjatë tërë takimit, ndërsa në minutën 57’ u ndëshkua me karton të verdhë pas një ndërhyrjeje ndaj futbollistit kundërshtar.

Në fund, Fenerbahçe fitoi me rezultat 2-0 me golat e Souzas dhe Fernandaos, për ta ruajtur bilancin e qindpërqindtë të fitoreve në Kupën e Turqisë.