Nata e favoritëve

Në natën e parë të çerekfinaleve të Europa Ligës, kanë fituar favoritët pavarësisht se a kanë qenë vendas a mysafir.

Arsenal, në ndeshjen që pritej të jetë më interesante nga të gjitha, ka tejkaluar lehtë Napolin duke shënuar dy herë brenda 25 minutave të para të lojës, për të siguruar fitoren 2-0 në fund.

Villarreal është mposhtur në fund të ndeshjes në shtëpi nga Valencia në duelin spanjoll të çerekfinales. Ndeshja që nga minuta e 36 e saj ishte 1-1, ndërsa në minutën e fundit të ndeshjes Valencia shënoi dy herë për të fituar 1-3.

Benfica ka vazhduar ritmin tepër të mirë në Europa Ligë këtë stinor, ndërsa i udhëhequr nga talenti Joao Felix, që ka shënuar hat-trick sonte, ka mposhtur 4-2 Eintrachtin e Frankfurtit.

E Chelseat, i ka mjaftuar një gol në stadiumin e nxehtë çek të Slavias, për të dalë faqebardhë nga Praga. Fitorja e Chelseat ka ardhur në minutën e 86 të ndeshjes, kur Marcos Alonso shënoi pas asistimit të Willianit.

Ndeshjet e kthimit, të enjten tjetër.