FERONIKELI - GJILANI
Ndahen pikët në Drenas
15 February, 2021 @14:59
Pa fitues është mbyllur dueli i luajtur sot mes Feroniklit dhe Gjilanit në Drenas.
Skuadrat në fjalë pas 90 minutave lojë takimin e mbyllën me rezultat të barabartë 1-1 (Adem Maliqi 20’ / Muhamed Useini 51’).
Golin e vetëm në pjesë të parë e shënoi Adem Maliqi i vendasve. Ky gol erdhi në minutën e 20’ të ndeshjes dhe ishte i mjaftueshëm që Feronikli të shkonte me epërsi minimale në pushim.
Në fakt, gjilanasit shënuan një herë në këtë pjesë (38’), mirëpo goli u anulua për shkak të pozitës jashtë loje.
Në pjesën e dytë, goli erdhi pas vetëm 6 minutave lojë.
Ishte Muhamed Useini i mysafirëve ai që në minutën e 51’ barazoi shifrat në 1-1.
Përkundër tentimeve nga të dyja skuadrat, gola më në këtë takim nuk pati dhe dueli u mbyll pa fitues.
Ky barazim Niklin e mban 4 pikë larg zonës së ftohtë, kurse Gjilani duket i qetë në vendin e katërt në tabelë, larg kreut dhe larg zonës së rrezikshme gjithashtu.