Ndahet me Juven, pranë Cityt

Krahu brazilian i Juventusit, Daniel Alves, dje edhe zyrtarisht është ndarë me ekipin me të cilin fitoi titullin në Itali dhe arriti finalen e Ligës së Kampionëve 2016/17.

“Ciao Dani,” shkroi faqja zyrtare e Juventusit në njoftimin për largim të lojtarit, shoqëruar me statistika dhe kontribut të lojtarit dhënë klubit nga Torinoja.

Ndërsa, që sot, spekulimet për të ardhmen e 34 vjeçarit kanë filluar, ku si opcion i parë për Alvesin është shkruar të jetë Manchester City i drejtuar nga Pep Guardiola.

Ish lojtari i Barcelonës, Dani Alves, ishte larguar nga klubi katalonas pas 8 viteve të kaluara aty. Ndërsa tash, pas vetëm një stinori te bianconerët, u nda zyrtarisht edhe me këta.

Lojtarët e krahut të Manchester Cityt, Pablo Zabaleta, Gael Clichy dhe Bacary Sagna, janë liruar nga ekipi në fund të stinorit 2016/17.