ROSALEDA

REUTERS/Jon Nazca

Në hijen e Iscos

3 April, 2013 @9:14

Ekipi spanjoll, Malaga, është duke kaluar një stinor solid në La Liga, duke qenë në vendin e gjashtë, derisa Borussia Dortmund është në vendin e dytë dhe e ka të pamundur zënien e Bayernit në krye të tabelës, që ik me 20 pikë.

Pas fitores 3-1 si mysafir i Rayo Vallecanos në fundjavë, Malaga ka shënuar edhe një lëvizje të rëndësishme para ndeshjes së sontme, duke e pushuar yllin e tyre argjentinas, Javier Saviola, që do të jetë i freskët sonte.

Rruga për çerekfinale

Në rrugën e tyre drejt çerekfinaleve, ekipi me pronarë nga Katari, ka kaluar si nëpër endërr. Ata kanë kaluar në grupin e tyre ekipet si Milan, Zenit St Petersburg dhe Andlerech, para se të eliminojnë ish kampionin Porto në 1/8 e finales.

Dortmundi gjithashtu shënoi fitore si mysafir 2-1 ndaj Stuttgartit në Bundesligë fundjavën e kaluar. Mirëpo, pasi që Bayer Leverkusen po i përcjellë në hap, ata nuk kanë rrezikuar që të pushojnë asnjërin nga futbollistët kyq të skuadrës.

Grupi i vdekjes

Gjermanët kanë arritur në çerekfinale duke kaluar kundërshtarë tejet të vështirë në grupin e ashtuquajtur të vdekjes. Ekipi i Jurgen Klopp kaloi në grup Real Madridin, Mancheser Cityn dhe Ajaxin, për të eliminuar pastaj ukrainasit e papërshtatshëm të Shakhtar Donetsk në 1/8 e finales pas dy ndeshjeve, 2-2 në Ukrainë dhe 3-0 në Gjermani.

Faktori Isco

Stinori vijues është stinori i shpërthimit të talentit 20 vjeçar të Malagas, Isco. Mesfushori spanjoll ka shënuar tetë gola në La Liga, tre në Ligën e Kampionëve.

Isco ka fituar çmimin ‘Golden Boy’ që ipet nga magazina prestigjioze, Tuttosport, e Italisë, si lojtarë më i mirë në Europë i moshës nën 21 vjeçare.

E Dortmundi është me fat që e ka njërin ndër gjuetarët më të mirë në Europë, qendërsulmuesin polak, Robert Lewandowski.